Gastón

O grande depredador do Nautilus

Desde o 24 de maio de 2006 o oceanario do Nautilus do Aquarium Finisterrae ten un novo e espectacular inquilino: Gastón, un tiburón touro (Carcharias taurus) de 3 metros de lonxitude e 100 quilos de peso, procedente do Océanopolis de Brest (Francia). Tras 3 meses na sala de cuarentena, adaptándose á temperatura e calidade da auga galega, xa está no Nautilus e fai compañía a Hermosa, a pequena “tiburona” touro que vive aquí desde hai anos.

© Cesar Quián, imaxe cedida por La Voz de Galicia

Aínda que vén de Brest, Gastón non é bretón, senón sudafricano. Naceu en 1996 fronte a Cidade do Cabo, na confluencia entre os océanos Atlántico e Índico. Cando tiña 3 anos foi capturado e trasladado a Oceanópolis, onde viviu con outros exemplares do seu mesma especie, tamaño e peso. Pero chegou un momento en que a convivencia entre os tiburóns volveuse moi tensa e Gastón foi enviado cara a augas máis tranquilas: así chegou ao Aquarium Finisterrae.

Os tiburóns touro son depredadores voraces que se alimentan de peixes, cefalópodos e crustáceos.

• Practican o canibalismo intrauterino: son ovovivíparos (as femias paren ás súas crías xa formadas) e os pequenos tiburóns touro devoran aos seus propios irmáns cando aínda están no ventre materno.
• Son os únicos tiburóns que saen á superficie para tomar aire. Gárdano no estómago para manter a súa flotabilidade e non afundirse ata o fondo.
• Viven preto da costa e cazan en grupo, sobre todo cara ao crepúsculo.


A Fantasía de Xulio Verne, feita realidade